“Ma, may walkout bukas, darating ang board of regents for a meeting tungkol sa implementation ng lab fee increase. Makikisama ako.”
“Basta ba alam mo ang ipinaglalaban mo at mga consequence sa pagsama mo. Are you with a group? What’s the group?”
“Oh yeah. Buong university kasama.”
“Good luck.”
August 21, 2007, nagpaalam ako sa nanay ko na makikisama ako sa walkout kinabukasan. Ahehe, nagpaalam pa eh…
***
Siguro hindi na magugulat ang nanay ko sa ganitong mangyayari.
Siguro lang.
Namana ko ata ‘to sa kanila eh.
Oo, tibak sila NOON.
Sabi nila, iba na raw ang kaso ngayon. Magulo na. ‘Di katulad noong kapanahunan nila.
Sa tingin ko, tama sila.
***
Umaga, maaga akong pumasok sa campus para manood ng “House Blessing” ng bagong CSS Building. Mag-a-alas-otso na nun. Una kong nakita si C*****, na super late na pala sa klase niya.
Bumaba kami sa aming “bahay”.
Kalalakihang nakabahag ang unang bumulaga sa akin. Natuwa ako. Astiiiig!
Nakita ko si C***, tapos si A******, may hawak na camera.
“Punta na tayo dun.” Sabi ni Sir.
So ayun, bumaba na kami. Kami nalang ni A****** ang natira sa batch namen. Nawala si C***, nagrereview naman si C*****, naiwan sa “bahay”.
As usual, may mga bigating mga panauhin ang ribbon-cutting. Kaya dumistansya na ko. Dun ako sa second floor. O kaya sa gilid, malapit na sa labasan. Ayun, may nag-speech, gumupit ng ribbon, nagdasal, nag-gongs, sumayaw, at siyempre may mga usyoso. Isa na ko sa mga yun. Nakadungaw sa second floor. Bumaba sa first floor noong nasa third floor na ang mga special guest.
Natapos na rin. Wala pa si B*****. Tinext ko na siya. Hahabol daw.
Inimbitahan akong makisalo sa handaan sa ikatlong palapag. Nakisalo naman daw ako.
Tapos na ang kainan. Lumabas ako sa kwarto. Nakita ko si B*****. Nagpasama ako sa CR.
Paglabas ko naka-pula na ako.
***
“Dude, malapit na alas-diyes!”
“Una na ko ah.” sabay akyat na sa lobby si blocrep.
***
“WALKOUT! WALKOUT!” narinig na namin ang mga sigaw.
Simula na.
Pagka-akyat namin, sumalubong na sa amin ang mga taong naka-pula. Ayos, marami-rami kami. Pumalikod kami. Basta, sunod lang.
***
Para akong batang kakatungtong palang sa perya sa tuwa. Dahil ba sa unang sabak ko sa ganitong gawain? Dahil ba sa nagawa kong isigaw na sa madla ang nais naming iparating? Dahil ba sa nagkaisa ang ka-estudyantehan? Siguro oo, oo, at oo.
Nasa tapat na kami ng lobby.
“ISKOLAR NG BAYAN, NGAYON AY LUMALABAN!"
Kasama ko ang mga kaibigan ko.
“…KARAPATAN NG MAMAMAYAN, EDUKASYON! EDUKASYON!”
Nasa kabilang dulo ang mga ka-acad bloc ko.
“…AGKAYKAYSA NGA MANGIPUKKAW, KAI-IGOROTAN LUMABAN!”
Nakisama pa ako sa community dance ng PAGTA.
Iba ang pakiramdam. Hindi ko mawari kung ano ba talaga ang nararamdaman ko. Bago siya. Nagising bigla ang aking pag-iisip.
***
Na-implement na ang LabFI sa UPM. Sabi naman nila, mga estuyante naman daw ang nag-request nun. Wala kayang tumutol? Sa kaso naman ng UPB, nalaman ko nalang na may consultation ng LabFI noong may mga nakapaskil na nagsasabi na magsuot daw ng itim.
Marami kaming tanong.
Marami doon ang naitanong.
Iilan lang ang nasagot nang maayos.
“Brainwash. Brainwash.” narining ko si B*****, bumubulong.
***
“Dumadaloy sa dugo natin ‘tol!”
“Oo nga.”
***
“Ms. S*******, wala ka ata kanina sa class ko. Naki-walkout ka ba?”
Text sakin ng instructor ko sa na-walkout-an kong klase.
“Opo sir, naki-walkout ako.”
_____
Ika-dalawampu’t dalawa ng Agosto. Unang sabak ko. Freshie ako. Hanggang kalian kaya ako tatagal sa ganitong gawain?
____
Ika-tatlumpu ng Agosto. May bumaliktad sa amin. Tama ba?
Lunes, Setyembre 3, 2007
Mag-subscribe sa:
Mga Post (Atom)
