June Rains

Bale ayun. Kakatapos ko lang magbayad ng tuition ko kahapon at ngayon nakatambay lang ako dito sa kwarto ko. Hmm, kabaliw. Gustuhin ko man na makauwi sa QC at muling maglabas-pasok sa bahay namin para lang tumambay sa bahay ng iba eh wala akong magagawa. Wala na akong pang gastos, wala nang pang kain ng marami. Grabe, ang lakas ng ulan.

Sana naman matigil na 'to sa pasukan. Paano ba naman, unang araw ng pasukan eh ma-bagyo. Tapos 'di mo pa alam kung may pasok ba o hinde. Haii, kaloka. Nakakatawa nga eh, parang buong buhay ko na lang dito sa Baguio eh maulan. Kung hindi naman ganun, pag umuuwi ako ng QC saka umuulan o kaya bumabagyo sa Baguio (bumabagyo sa Baguio. wahu). Ewan, nakakatawa na lang.

Excited na ko sa pasukan. Kasabay naman nun eh ang pagkaburyong sa kwarto ko. Minsan may mga naiisip akong pwedeng gawin habang wala pa masyadong ginagawa sa klase, kasi alam kong 'di ko na yun magagawa pagkatagal. Pero pag naiisip ko na yung mga yun, medyo tinatamad na kong gawin. Paano ba naman, masyado akong concerned sa kwarto ko. Ayoko ng masyadong magulo, ayoko ng masyadong makalat. Sa pagkakaalam ko sa sarili ko, makalat ako gumawa ng kung ano mang pweeng gawin. Mula sa mga drawing, sulat, at research paper, sa unang tingin pa lang, ang sarap nang itapon sa basurahan.

Nung enrollment, hindi ko pa alam kung ano lahat ng grades ko. Medyo natatakot ako. paano ba naman, makikipagpustahan ako ng walang bagsakan eh baka ako pa yung may bagsak. Sa kabutihang palad naman eh masaya akong nakaraos sa 2nd sem ng 2nd year ko ng walang drop, walang kwatro, at isa lang ang tres. Masaya naman, pero nawindang naman daw ako sa mga grado ng iba kong mga kasama, mga bihira lang ang line of 2. Amf. Parang ang dali lang para sa kanila yun ah.

Dalawang araw na ang dumaan at hindi ko pa ma-absorb na may boyfriend na ko. Yung relasyon namin na akala ng iba eh nagsimula ilang buwan bago pa talaga nagkaroon. So ayun, kami na. Siguro naman wala nang mangunguna samen.

Sobrang buryong na ako dito sa kwarto ko. Sana naman may masayang pwedeng gawin...